Një ditë pas miratimit në Kuvend të reformës, kryeministri Rama mori vëmendjen e publikut me dy postime në faqen e tij në Facebook.
E para ishte njoftimi që e hëna u la ditë pushimi për administratën publike, ndërsa e dyta ishte video ku ai shfaqej duke luajtur basketboll në oborrin e brendshëm të Kryeministrisë, aty ku prej kohësh ka vendosur një kosh.
Nëse shikon me vëmendje videon, ka disa detaje që sigurisht të tërheqin vëmendjen, disa të tjera të lenë madje edhe shije të keqe.
I tillë është përdorimi që Rama po u bën rojeve të Gardës së Republikës, të cilët janë pjesë e grupit të shoqërimit të kryeministrit.
Siç mund ta vini re, një prej garditëstëve gjatë gjithë kohës është në shërbim të kryeministrit duke i pritur topat. Tjetri është duke regjistruar me celular videon, e cila u postua më pas në faqen në Facebook të Ramës.
Të paktën kryeministri nuk e ka çuar përdorimin e gardistëve deri në pikën sa ndonjë prej tyre të lëvizte edhe koshin në mënyrë të atillë që çdo gjuajtje e Ramës të futej brenda.
Dhe të mendosh që Rama kur erdhi në pushtet në vitin 2013 e kishte në program shkrirjen e institucionit të Gardës së Republikës, pavarësisht se nuk e çoi deri në fund këtë ide.
Megjithatë duhet thënë se instiktet prej basketbollisti Rama nuk i ka humbur fare. Në videon e postuar, nga 17 gjuajtje që bëri, 13 ishin brenda në kosh, ndërsa vetëm 4 dolën jashtë./Lapsi.al
[fbvideo link=”https://www.facebook.com/edirama.al/videos/10153866254856523/” width=”500″ height=”400″ onlyvideo=”1″]
