Kryeministri Edi Rama gjatë vizitës së tij në Elbasan është ndalur edhe në qendrën e vaksinimit masiv, ku i shoqëruar nga ministrja e Shëndetësisë, Ogerta Manastirliu ka inspektuar nga afër procesin e vaksinimit të të moshuarve.
Sikurse shohim në videon e mëposhtme, gjatë bashkëbisedimeve me të moshuarit e pranishëm nuk kanë munguar fjalët e mira dhe urimet për kreun e qeverisë.
Një qytetare e ka ndaluar Ramën dhe teksa e ka përshëndetur me grusht i ka thënë “O yll drite, o mbret. Ti je mbret për ne. Shyqyr që të takova”. Ndërsa një tjetër e moshuar e uron kryeministrin:“Tu bëftë dita një mijë”./Opinion.al
