Një dyqan është tentuar të grabitet mbrëmjen e së mërkurës në Kombinat.
Autori i veshur me bluze të kuqe dhe me kapele, “dyshohet se nën kërcënimin e një sendi në dukje pistoletë çakmak, ka tentuar të vjedhë në një dyqan të një kompanie celularësh dhe më pas është larguar”.
Sipas policisë, ky shtetas dyshohet se është i njëjti autor i ngjarjes së ndodhur në rrugën “Myslym Shyri”.
Sikurse duket në video, hajduti hyn brenda dyqanit. “Ju bëftë mirë”, u thotë dy punonjëseve të cilat po konsumonin ushqim.
Ai nxjerr nga çanta një pistoletë, që nuk dihet nëse është reale ose false, dhe u thotë punonjëseve se i duhen paratë për transplantin e mëlçisë.
Por njëra prej tyre duket se nuk e beson që arma të jetë e vërtetë dhe i kërkon të dalë nga dyqani.
“Mos më provoko”, i thotë autori. Por punonjësja nuk heziton dhe e nxjerr nga dyqani.
Autori largohet pa marrë asnjë shumë monetare.
