Dua Lipa ka shkëlqyer këtë dy vitet e fundit dhe padyshim tashmë ajo është një ndër këngëtarët më të përfolura shqiptare në industrinë e muzikës botërore.
Përveç turneve anembanë botës duke përfshirë edhe koncertin në Kosovë dhe Tiranë, këngëtarja është duke u përgatitur për publikimin e albumit shumëpritur debutues, i cili do të jetë në duart e fansave më dhjetë shkurt të vitit të ardhshëm.
Tani, këngëtarja ka bashkëpunuar me “Fader” dhe YouTube për xhirimin e një dokumentari të ri të quajtur “See In Blue”, i cili shfaq rrugëtimin dhe peripecitë e këngëtares deri në arritjen e famës botërore.
“Duhet të punosh shumë fort për të arritur gjëra, dhe nuk bëhet fjalë vetëm për në muzikë! Më kujtohet sesi im atë më thoshte që duhet të punoj shumë shumë fortë për të pasur një fije fati.”- tregon këngëtarja gjatë rrëfimit të saj.
“Nuk e mendoja kurrë që mund të kisha një karrierë të tillë! Nuk mendoja se do të arrija diçka të tillë…”
Klipi 9-minutësh zbulon se si prishtinasja është ndikuar prej krijimtarisë së Christina Aguileras, Stereophonics dhe Robbie Williams dhe shumë artistë të tjerë.
Ajo ka treguar gjithashtu se si është 100% e përfshirë në të gjitha këngët e saj, që nga teksti, muzika, klipi, etj.
“Nuk ka pushim për të pabesët. Ëndrrat bëhet realitet “, thotë Dua ndër të tjerash në dokumentar, ku shtoi se ky është vetëm fillimi.
