Numri i azilantëve shqiptarë në vendet e Bashkimit Evropian në dy vitet e fundit ka njohur një rritje të frikshme në tre vitet e fundit. Vetëm në vitin 2015, afërsisht 70 mijë shqiptarë aplikuan për një status të tillë në BE.
Por, ka edhe një kategori tjetër emigrantësh, të cilët nuk aplikojnë për azil. Këta emigrantë synojnë kryesisht Britaninë e Madhe, pasi atje është më e lehtë jeta e fshehtë.
Një program i televizionit publik holandez NPO 1, i quajtur “EénVandaag”, ka vizituar Dieppe në Francë, ku ndodhet një kamp me rreth 150 shqiptarë.
Prej muajsh, shumica e tyre kanë tentuar të kalojnë kufirin britanik, por deri tani vetëm 70 ia kanë arritur qëllimit, raporton panorama.
Emigrantët shqiptarë presin për mundësinë e tyre, jo vetme nga Dieppe por edhe nga xhungla Calais.
Gjithashtu shumë prej emigrantëve shqiptarë provojnë edhe nga Holanda. Vetëm vitin e kaluar 580 emigrantë janë kapur në portet e saj në tentativë për të kaluar tranzit në Angli. Gjysma e tyre ishin shqiptarë.
Sot në mbrëmje televizioni publik holandez do të publikoi një dokumentet për emigrantët shqiptarë që synojnë të shkojnë në Britani.
Në lajmërimin e programacionit, thuhet se “ne biem dakord me emigrantët shqiptarë dhe me Lulzim Bashën. Sipas tij krimi i organizuar dhe korrupsioni janë arsye kryesore e largimit masiv të shqiptarëve.
Në emision do të transmetohen intervista me shqiptarë që po përpiqen të shkojnë në Angli përmes Francës, Belgjikës, dhe Holandës.
Një prej shqiptarëve të intervistuar shprehet se ata paguajnë deri në 7 mijë paund për të shkuar në vendin ishullor.
Arme Albanezen die naar Engeland willen reizen gaan liever via Bretagne. Via Nederland kost duizenden ponden.https://t.co/CArHKSXcKU
— EenVandaag (@eenvandaag) June 27, 2016
