Nxënës dhe prindër të fshatit Mengël në Elbasan kanë protestuar sërish duke kërkuar hapjen e shkollës 9-vjeçare të fshatit e dëmtuar nga një tërmet një vit më parë.
Protestuesit janë ulur në mes të rrugës . Ata kanë bllokuar qarkullimin në aksin kombëtar Elbasan-Librazhd duke krijuar radhë të gjata automjetesh. Protesta ka vijuar për disa orë, ndërsa ka pasur herë pas here edhe përplasje mes policisë dhe banorëve.
Protesta e prindërve mbështetet nga PD dhe sot në të ka marrë pjesë dhe deputeti Luciano Boci. Ndërkohë Bashkia e Elbasanit ka kërkuar të mos politizohet çështja dhe të mos rrezikohen fëmijët.
Në disa video të bëra në protestë shihet disa fëmijë duke qarë, e njëri prej tyre thotë se një polic e ka qëlluar në kokë.
Banorët shprehen se po presin Ministrin e Arsimit dhe nuk largohen prej aty pa u takuar me të.
