Jo vetëm në Tiranë, protestat si reagim mbi vrasjen e 25-vjeçarit, Klodian Rasha, nga një efektiv policie janë zhvilluar edhe në disa qytetet të tjera të vendit.
Duket se një situatë kaotike është krijuar edhe në Durrës. Protestuesit në këtë qytet janë mbledhur në qendër dhe i kanë vënë flakën dekorimeve të bashkisë për festat e fund vitit.
Po ashtu, të rinjtë dhe aktivistët kanë hedhur lëndë piroteknike para godinës së bashkisë. Raportohet se disa persona janë shoqëruar.
Ndërkohë që reagim ka patur dhe nga ana e qytetarëve të Lezhës. “Drejtësi për Klodianin” ka qenë thirrja e disa të rinjve që u mblodhën para obeliskut të “Besëlidhjes” dhe me pas janë drejtuar komisariatit te Lezhës.
Protesta ka pasur mbrëmjen e sotme edhe në qytetin e Elbasanit./ Opinion.al
