Banorët e “Unazës së Re” po protestojnë këtë të enjte para Kuvendit të Shqipërisë. Kjo është dita e 18 e protestës së tyre kundër projektit të “Unazës së Re”, që parashikon prishjen e banesave të tyre. Përplasjet mes policisë dhe protestuesve ditën e sotme kanë qenë të shumta. Një të tillë e shohim në videon e mëposhtme.
Në video shihet policia teksa dhunon një djalë, dhe kërkon ta shoqërojë atë me forcë. Duken qartë disa policë, që gjuajnë dhe e mbajnë me forcë djalin e revoltuar, i cili është i shoqëruar me një zotëri që iu lutet policëve të lëshojnë të riun . Djali iu sqaron policëve që është vetëm 17-vjeç, por gjithsesi kjo nuk i ndalon ata.
Në video dallohet dhe një kalimtare e cila filmon dhe i kërkon policisë të lëshojë djalin.
