Forca të shumta të Policisë së Shtetit janë vendosur në afërsi të Kryesisë së Kuvendit dhe disa efektivë janë vendosur “gardh” para portës së godinës.
Ditën e sotme pritet që Këshilli i Mandateve të votojë për të hequr imunitetit e deputetit Sali Berisha në Kuvend, me kërkesën e SPAK.
Ndërkaq, Partia Demokratike ka paralajmëruar një protestë para Kryesisë së Kuvendit.
Lidhur me masat e marra nga Policia e Shtetit ka reaguar ish-kryeministri Sali Berisha.
Teksa publikon pamjet në rrjetet sociale, Berisha shkruan “Tmerrohet Rama dhe narko-qeveritarët e tij! Betejë pa kthim! Rroftë Opozita”.
