Një tjetër video ka dalë në qarkullim ku shihet një polic që qëllon mbi një afro-amerikan. Një agjent ka hapur zjarr duke qëlluar disa herë në shpinë 29-vjeçarin Jacob Blake, që tashmë është i shtruar në spital në gjendje të rëndë. Ngjarja ka ndodhur në Kenosha, Wisconsin, ndërsa mbrëmjen e djeshme pak pas daljes së filmimeve kanë nisur protestat.
Manifestuesit janë nisur drejt stacionit të policisë duke hedhur lëndë që besohet se ka qenë molotov, ndërsa ajgentët kanë përdorur gaz lotsjellës për t’i shpërndarë.
Blake u qëllua rreth orës 17 me orën lokale, pasi agjentët morën një thirrje për një incident shëpiak.
Videoja tregon policët e armatosur që e ndjekin Blake ndërsa ai tenton të hyjë në një makinë, në vendin e shoferit. Në këtë moment njëri nga agjentët e kap nga bluza në pjesën e pasme dhe i qëllon në një distancë në afërt, shoqëruar nga të bërtiturat e personave prezentë.
Një anëtar i familjes ka thënë se fëmijët e Blake ndodhedhin në mjet në kohën që i ati u qëllua. Dëshmitarët kanë thënë për mediat lokale se 29 vjeçari ishte përpjekur të shuante një konflikt mes dy grave./Opinion.al
