Policia e Tiranës ka bërë kontrolle të befasishme në të gjithë territorin e qarkut Tiranë.
Kontrollet janë bërë nga Forca e Operacioneve Speciale dhe Shqiponjat. Gjatë kontrolleve të ushtruara janë shoqëruar në ambientet e Policisë Tiranë, 23 persona për verifikim. Janë kontrolluar dhjetëra makina luksoze. Është sekuestruar një pistoletë neutralizuese.
Janë shoqëruar në pikë bllokimi disa automjete për verifikim të mëtejshëm të numrit të shasisë. Kontrollet do të vijojnë në orë të ndryshme. Duke filluar nga data 11 shtator këto kontrolle do të shtrihen edhe në afërsi të shkollave.
https://www.dailymotion.com/video/x604ezv
