Një punonjës policie dhe një person tjetër janë vënë në pranga, pasi akuzohen për trafik lëndësh narkotike.
Në sajë të operacionit të koduar “Fast” policia ka bërë arrestimin e Romin Davidhi, 28 vjeç, banues në Durrës, punonjës policie (Komanda e Forcave Detare), si dhe Arjan Tabakut, 49 vjeç, banues në Krujë.
Ndërsa është shpallur në kërkim dhe po punohet për kapjen e E.K. 25 vjeç, banues në Durrës.
Arrestimi i tyre u bë pasi më datë 14.06.2016, në lagjen Nr.13, Plazh, gjatë kontrollit të ushtruar në mjetin tip Fiat, me targa AA 799 LB , me drejtues Arjan Tabakun, i’u gjetën dhe i’u sekuestruan në cilësinë e provave materiale:
Rreth 10 kg lëndë narkotike e dyshuar e llojit kanabis sativa
Një trup pistolete bashkë me tytën;
Fishekë të kalibrit 7.62 mm;
Mjeti tip Fiat me targa AA 799 LB;
Mjeti tip Fiat me targa AA 078 GP;
Katër aparate telefoni celularë.
Materialet i kaluan Prokurorisë së Rrethit Gjyqësor Durrës, për veprime të mëtejshme për veprën penale “prodhimi dhe shitja e narkotikëve ”dhe “prodhimi dhe mbajtja pa leje e armëve luftarake dhe e municionit”
