Në këto momente dhjetra qytetarë janë mbledhur përpara Drejtorisë së Përgjithshme të Policisë Tiranë, ku kërkojnë lirimin e qytetarëve kukësianë të cilët janë ndaluar nga policia mëngjesin e sotëm me akuzën për “Shkatërrim të pronës publike”, pas ngjarjeve të djeshme ku u shkatërrua pika e tarifimit të konceisionarit në Rrugën e Kombit. Qytetarët në fjalën e tyre kanë vënë në akuzë kryeministrin Rama, duke e cilësuar arrogant. Midis personave që kanë marrë fjalën janë edhe personazhe të njohur të jetës publike. Më poshtë video e plotë e këtij demonstrimi ku fjala kryesore drejtuar Ramës është: “Turp”.
