Elektrizues ka qenë momenti kur me mijëra qytetarë të Prishtinës kanë shpërthyer në duartrokitje dhe thirrje në mbështetje të liderëve të UÇK-së, që ndodhen në Hagë ku nesër do të nisë procesi i gjykimit.
Në marshimin ku u kërkua drejtësi për Hashim Thaçin, Kadri Veselin, Jakup Krasniqin e Rexhep Selimin ka qenë kryetari i PDK-së Memli Krasniqi që tha se ish-krerët e UÇK-së, po e ndiqnin ‘live’ këtë ngjarje.
“Po na përcjellin drejtpërdrejt Hashim Thaçi, Kadri Veseli, Rexhep Selimi e bashkëluftëtarët e tyre, andaj ju ftoj që me një duartrokitje që s’e ka dëgjuar asnjëherë Prishtina, t’u tregojmë mbështetjen, t’u tregojmë solidaritetin, t’u tregojmë që jemi me ta gjithmonë”, tha Krasniqi, ndërsa të pranishmit kanë shpërthyer në thirrjet UÇK dhe Thaçi./Opinion.al
