Të lesh lajmet në transmetim live dhe të zhdukesh nuk është një gjë e këndshme për ata që të ndjekin nga ekrani. Por mesa duke drejtuesja e lajmeve në TG 5 në Kanalin 5 të Mediaset, duhet të ketë pasur një arsye madhore.
Gjithçka ka ndodhur në edicionin e orës 13.00 të së dielës së 3 janarit kur gazetarja Cristina Bianchino, që deri në atë moment lëshoi lajmin për një sondë hapësinore japoneze të arritur në orbitën e planetit Afërditë, por papritur në hapësirën e lajmeve shfaqet në mënyrë të habitshme një video muzikore “Wight Is Wight” e Michel Delpech, e transmetuar pothuaj plotësisht gjatë lajmeve, ndërkohë që në përfundim të këngës në vend të Cristina Bianchino shfaqet kolegu Matteo Berti, i cili duke i kërkuar ndjesë publikut, nuk specifikon përse ky ndryshim spikerësh.
Por çfarë ka ndodhur? Për të qetësuar zërat e shumtë është dashur njoftimi i Clemente Mimun, drejtori i lajmeve në TG 5, i cili në një tweet qetëson duke thënë se : “Një sëmundje e vogël e papritur për Cristina Bianchino por që tani është më mirë”.
