Një superjaht i lidhur me oligarkun rus të sanksionuar Roman Abramovich është pritur me protesta teksa tentoi të ankorohej në Turqi.
My Solaris, jaht i cili kushtoi rreth 600 milion dollarë (450 milion £) për t’u ndërtuar, u prit në portin e Bodrumit nga protestues që valëvitnin flamujt ukrainas.
Ata ishin pjesë e një ekipi të rinjsh, i cili ishte në Turqi për të konkurruar në një garë vjetore, pasi ishin larguar nga Ukraina përpara pushtimit rus.
Trajneri Paulo Donstov tha për BBC: “Duhet të bënim diçka. Ne duam që bota të dijë se Ukraina dëshiron lirinë dhe paqen.”
Abramovich, pronari i Chelsea FC, aktualisht është nën sanksionet e Mbretërisë së Bashkuar dhe të BE-së si pjesë e një goditjeje ndaj oligarkëve rusë.
Të dhënat e gjurmimit tregojnë se My Solaris arriti në Turqi – ku nuk ka sanksione kundër miliarderëve rusë – pa hyrë në ujërat territoriale të Greqisë anëtare të BE-së. Një tjetër jaht i lidhur me zotin Abramovich – Eclipse – ka bërë gjithashtu rrugën për në Turqi./Opinion.al
A group of #Ukrainian kids, members of a yachtsman club, tried to prevent Roman Abramovich’s yacht from docking in ?? Bodrum. The yacht docked only with the help of police.#StandWithUkraine️ #RussianOligarchs #putinswar #BanRussia pic.twitter.com/3e3rWqU1xU
— olexander scherba?? (@olex_scherba) March 21, 2022
