Kafshimi që i bëri një qen i rracës Pit Bull një gruaje, bëri që një i afërm i saj të marrë automatikun dhe të qëllojë me breshëri mbi të, në rrugën “Sitki Çiço”, në Tiranë. Nga plumbat u plagos 19-vjecari Vehi Rijolli. Autori është Denis Lala. Dëshmitarë thonë se qeni lëvizte lirshëm nëpër lagje dhe banorët i frikësoheshin.
Të tillë qen të rrezikshëm, lëvizin po ashtë lirisht nëpër parqe, sheshe e rrugë të Tiranës. Disa janë ndër racat më të rrezikshme, që nëpër vende të ndryshme të botës, nuk lejohet të lëvizin pa maska. Në Shqipëri i gjen kudo nëpër ambiente publike, pa asnjë masë mbrojtëse. Edhe në zona ku ka tabela detyruese që qentë të mbajnë maska, ky rregull nuk respektohet. Madje shkelet edhe në prani të policisë.
Kafshmet nga qentë janë bërë të zakonshme edhe për mjekët. Vetëm në shërbimin infektiv në QSUT paraqiten mesatarisht 7 persona, të cilët janë sulmuar nga qen endacake apo shtëpiake. Në Ministrinë e Bujqësisë është një zyrë e posacme që kontrrollon mënyrën se si duhen mbajtur qentë në publik.
Drejtuesit e saj, te kontaktuar nga Televizioni Klan thonë se veprojnë vetëm në rastet kur Bashkia i sinjalizon për shqetesimet që kanë banorët. Në raste të tilla ata ndërhyjnë duke ia marr qenin pronarit. Por deri tani nuk raportohet të ketë ndodhur ndonjë rast i tillë, edhe pse qentë e rrezikshëm lëvizin çdo ditë pa maska në rrugë, duke sulmuar shpeshherë qytetarët.
