Debati në Opinion është ndalur edhe në takimin Rama-Basha që pritet të realizohet brenda këtyre ditëve të ardhshme.
Deputeti i PS, Alfred Peza theksoi se lajmi që do dalë nga ky takim, nuk do doja që të ishte takimi në vetvete, por ajo që do përfitohej nga ky takim mes dy liderve të dy partive më të mëdha në vend.
“Unë do doja që lajmi të ishte produkti që do të dalë nga takimi, një product që do t’i shërbejë qytetarëve shqiptarë, në këtë moment kaq të brisht të zhvillimeve politike, ajo që po ndodh mes dy palëve, duhet të kuptohet se takime të tilla negociohen, bien dakord, nuk shkohet atje sikur u takuan atje rastësisht në një kafe, përkundrazi të gjithë e dimë se si mund të shkohet në një takim të tillë, dhe për çfarë arsye shkohet. Problemi qëndron se për ato që ka rënë dakord, për pikat, a do ketë një produkt konkret, i cili nuk është një produkt ekzekutiv, është një produkt i një vullneti dypalësh, mes dy liderve të dy partive kryesore, mazhorancës dhe opozitës, ku qoftë për reformën në drejtësi, qoftë për reformën zgjedhore, por edhe për ndonjë problem tjetër që mund të diskutohet aty, të ketë një dakordësi dhe një vullnet, që palet të mos bëhen pengesë por të tejkalojnë nëpërmjet vullnetit të përbashkët çdo gjë që e pengon këtë takim”, tha Peza.
