Përplasja me armë e ndodhur më 25 nëntor në qytetin e Elbasanit mes Elvis Koçi(Çaushllari) i njohur ndryshe dhe si ‘Vis Korçari’, Feliks Filaj, Eris Çekanit, Migert Qosja duket se është rikthyer sërish në vëmendje, por kësaj rradhe nëpërmjet provave filmike.
Në një video të sigurar nga Report TV, shihet se si ka nisur konflikti mes personave. Mësohet se fillimisht ka pasur një debat , karshi njëri-tjetrit me fyerje dhe ofendime dhe mandej janë përfshirë në përplasje fizike. Siç shihet edhe në pamjet filmike, nga automjti tip “Ford” dalin tre persona dhe drejtohen tek mjeti tip “Mazda”, ku qëndronte Elvis Çaushllari.
Dy persona, mes tyre Migert Qosja i shkojnë Çaushllarit, duke e tërhequr dhe goditur, ndërsa në këto momente Çaushllari qëllon njëri prej tyre me armë. Dallohet në video se si dy personat bëjnë lëvizje të menjëhershme duke u larguar befasisht.
Fakti që Çaushllari, ka qëlluar nga brenda makinës, provohet pasi policia ka sekuestruar një gëzhojë pistolete brenda automjetit të tij.
Ndërkohë pas goditjes së parë, Çaushllari hap derën e makinës dhe me pistoletën që mban në dorë i drejton armën, Migert Qosjas dhe shokut të këtij të fundit Feliks Filaj.
Nga pamjet filmike dhe mënyrën e pozicionimit të Migert Qosjas, duket se edhe ky i fundit mban një armë pistoletë në dorë, ku si Qosja dhe Çaushllari janë të pozicionuar përballë njëri-tjetrit me armë në duar, ku herë pas here qëllojnë. Si pasojë e shkëmbimit të zjarrit Çaushllari ka mbetur i plagosur me një plumb në shpatull, ndërsa të tre personat Feliks Filaj, Migert Qosja dhe Eris Çekani, e sulmojnë fizikisht Çaushllarin duke e qëlluar me grushta.
Kujtojmë që ngjarja ka ndodhur rreth orës 11:50 në datën 25 nëntor dhe për më pak se 5 orë Policia e Elbasanit ka arritur të zbardhë rrethanat.
Tashmë të arretuar për ngjarjen janë Feliks Filaj, Eris Çekanit dhe Elvis Çaushllari. Ndërkohë që ende vijojnë kërkimet për arrestimit e Migert Qosja.
Kjo nuk është hera e parë që Elvis Çaushllari bëhet pjesë e situatave të tilla. Në muajin shkurt 2020, ai ndoqi nga pas me një mjet luksoz tip “Audi” shtetasin me inicialet D.H, duke e ndaluar këtë të fundit dhe goditur me grushta e shkelma.
