Një përleshje masive shpërtheu në një burg në Londrën jugore.
Mediat britanike bëjnë me dije se përleshja ka ndodhur midis të burgosurve shqiptarë dhe atyre britanikë dhe shkak është “supermacinë” e shpërndarjes së drogës brenda burgut.
Ngjarja ka ndodhur në ambientet e jashtme të burgut Wandsworth. Rrahja masive u regjistrua nga kamerat. Sipas Daily Mail, një i burgosur përfundoi në spital pasi u rrah barbarisht dhe u godit me thikë gjatë luftimit.
Përleshja fillimisht nis mes një grupi të vogël dhe më pas degjeneron në grushte dhe shkelma.
Përleshja sipas britanikes, dyshohet se ka ndodhur dy javë më parë. Përleshjet janë të zakonshme në burgjet britanike, ndërsa vitin e shkuar janë regjistruar plot 20 mijë raste. Prania e drogës në ambientet e burgut është bërë një fenomen shqetësues.
