Një makinë është përfshirë nga flakët mesditën e sotme tek Rruga e Kavajës. Siç shihet nga pamjet e siguruara nga Opinion.al brenda pak minutash e gjithë rruga është mbuluar nga tymi. Policia e Tiranës bëri të ditur se nuk ka të lënduar, pasi shoferi ka arritur të dalë shpejt nga mjeti. Nga të dhënat e para mësohet se zjarri ka qenë aksidental. “Makina ishte në ecje dhe pas një defekti në pjesën e motorit ka marrë flakë. Trafiku, tani është normalizuar”, tha policia.
Njoftimi i policisë
Me date 16.01.2018 rreth orës 12:45, në Sallën Operative ka ardhur një telefonatë se në rrugën e ” Kavajës”, një mjet në lëvizje ka marr flakë.
Menjëhere në vendngjarje kanë shkuar shërbimet e Policisë dhe Zjarrëfikësja ku kanë konstatuar se:
Në rrugën e “Kavajës” ka marrë flakë mjeti në lëvizje, me drejtues shtetasin A. R., 38 vjec.
Për pasojë është dëmtuar pjesa e motorrit të mjetit, ka vetëm dëme materiale.
Grupi hetimor ndodhet në vendngjarje për zbardhjen e plotë të shkaqeve dhe rrethanave të zjarrit.
*Pamje të makinës së djegur tek Rruga e Kavajës
