Dy persona të maskuar dhe të armatosur kanë grabitur një pikë karburanti në Dajç, në aksin Lezhë-Shkodër
Për të çuar deri në fund aktin e tyre, personave ende të paidentifikuar iu është dashur të përleshen me rojen e karburantit, i cili edhe është qëlluar me sende të forta nga ta. Raportohet se ngjarja ka ndodhur gjatë natës, ndërsa gjatë përleshjes me hajdutët ka mbetur i plagosur punonjësi i karburantit, Lekë Përkeçi. Ky i fundit është dërguar me urgjencë në spital, ndërsa nga fotot e siguruara nga BalkanWeb e News 24 mund të shikoni se roja e ka kokën të mbuluar me gjak. Dy grabitësit e maskuar mësohet se pasi plagosën rojen kanë grabitur edhe një sasi parash dhe janë larguar me shpejtësi. Policia po punon për identifikimin dhe kapjen e grabitësve
