Kryeministri i Shqipërisë, Edi Rama është i ftuari i mbrëmjes në emisionin ‘Opinion’ përballë gazetarit Blendi Fevziu.
Kryeministri që në hyrje të intervistës ka shfaq shenja nervozizmi ndërsa është pyetur nga gazetari Fevziu në lidhje me importin e mbetjeve të riciklueshme në vendin tonë.
Fevziu: Ndalohet në të gjitha rastet importimi i mbetjeve të rrezikshme dhe jo të rrezikshme në Republikën e Shqipërisë. Ky ka qenë vendimi juaj në 22 shtator të vitit 2013. Përse kthyet mendim është pyetja?
Edi Rama:
Nuk kemi kthyer asnjë mendim, kemi ndaluar në vitin 2013 çdo formë importi, duke bllokuar edhe hyrjen e mbetjeve të riciklueshme të vetëdijshëm që në këtë aspekt, po bënim diçka që për një periudhë kohe, do të shkaktonte shqetësime për industrinë, por njëkohësisht edhe të bindur se duhet të përgatisnim një plan të qartë veprimesh dhe të krijonim kushtet që në momentim kur të ishim gati, ne mund të bënim hapjen e rrugës, jo për plehrat se nuk mund të importohen, por për lëndën e parë dytësore siç quhen këto lloj mbetjesh.
Shiko videon:
