Auron Tare i ftuar në emisionin Opinion për të folur për turizmin në Shqipëri tha se “ka 6-7 vite që nuk shkoj në Jalë”. Tare e theksoi se nuk është i ftuar të flasë si drejtor i Agjencisë së Turizmit, por si njohës i fushës, por gjithsesi ai nuk e mohoi se Jala nuk i pëlqen. “Kam qenë shumë vite më parë kur ka qenë ndryshe. Nuk e dua zhurmën”, tha ai, duke qenë i kujdesshëm për të mos prishur imazhin në mes të sezonit.
Në fakt, një nga brigjet më të bukura në jug, ai i Jalës është formësuar tashmë si plazh që frekuentohet nga të rinjtë.
