Zgjedhjet e fundit për kryesinë e re të Partisë Socialiste, përpos skarcimit të disa prej emrave historikë, ngjitën në krye të kupolës së PS-së edhe disa emra të rinj, ylli i karrierës i të cilëve ka ndritur gjatë epokës Rama në krye të PS-së.
Elisa Spiropali është nga shoqet e cila këto zgjedhje mori 243 vota, duke u zgjedhur Sekretare për Rininë. Më pari Spiropali, e cila vinte nga lëvizja Mjaft, ka mbuluar detyrën e drejtoreshës së përgjithshme të Doganave.
Blerina Gjylameti është një tjetër shoqe e re e cila ju bashkëngjit këto zgjedhje kryesisë së Partisë Socialiste. Karriera e saj në PS nisi si anëtare e thjeshtë deri në vitin 2012 ku më pas u zgjodh kryetare e Forumit te Gruas Socialiste në Tiranë. Në vitin 2013 u zgjodh deputete e Partisë Socialiste në Qarkun e Tiranës.
Olta Xhaçka është një tjetër shoqe e cila i takon epokës Rama në krye të Partisë Socialiste. Edhe Xhaçka ka qenë pjesë e lëvizjes Mjaft, para se të përfshihej në PS.
Vasilika Hysi, Alfred Peza, Niko Peleshi janë gjithashtu në listën e shoqeve dhe shokëve të rinj që do të të përbëjnë kryesinë e re të Partisë Socialiste.
Musa Ulqini nuk mund të quhet një prurje e re, pasi është një rikthim në kryesinë e Partisë Socialiste, ku ishte larguar në vitin 2007.
Ndërsa nuk ka si të mos bjerë në sy në listën e re të kryesisë edhe shoqja Evis Kushi dhe shoku Koço Kokëdhima i cili do te mbulojë detyrën e sekretarit për reformën strukturore dhe emigracionin.
