Në emisionin e sotëm “Stop” në “Klan TV” është shfaqur një investigim me kamerë të fshehtë të prokurorit të Tiranës Ardian Braho, i cili është filmuar duke marrë ryshfet për të zhbllokuar paratë e ligjshme të një qytetari.
Emisioni ‘Opinion’ në TV Klan ka si temë të mbrëmjes pikërisht temën në fjalë, njëri nga të ftuarit në panel, është dhe drejtuesi i ‘STOP’ Saimir Kodra.
Kodra theksoi në lidhje me video-denoncimin, hetimet kanë zgjatur rreth 2 vjet, parat e shtetasit që bëri denoncimin, kanë qenë të bllokuara në bankë pikërisht përgjatë kësaj kohe.
Ai theksoi se ky denoncim është realizuar nga vetë qytetari, ka qenë ai që e ka denoncuar gjithë këtë absurditet. Kodra tha se e mbaj mend momentin e parë kur më ka telefonuar, ai përtej telefontit qante dhe ishte tejet i agjituar.
“Në fillim kisha atë mëdyshjen që tha se pse duhet ta regjstrojë, ai tha se ata më kërkojnë 18 mijë euro. Në fakt kjo është pjesë e hetimit, por unë kam përshtypjen se kanë qenë 20 mijë euro, por i kanë bërë skonto me sa arrij të kuptoj. I kanë marrë 18 mijë euro. Sepse ai e bëri pagesën aty në vend, nuk e la nga shtatori pagesën”, tha Kodra.
Shiko videon:
