TIRANE- Ish-nëndrejtori i Policisë së Tiranës, Erzen Breçani ka rrëfyer në “Opinion” se si e ka arrestuar Emiljano Shullazin dy herë.
Ai tha se në rastin e parë arrestimin e Shullazit e kishte bërë me akt motivim gjatë zgjedhjeve vendore të vitit 2011, pasi kishte penguar disa kandidatë socialistë dhe drejtues të pushtetit vendorë që të kryenin veprimtaritë e tyre.
“Madje kanë ardhur edhe dy deputetë të PS-së, Besnik Bare dhe Vasilika Hysi që më kërkuan arrestimin e tij”, tha Breçani.
“Pasi u thashë që të bënin kallëzim, shkova dhe e arrestova me iniciativë të lirë, pa pyetur Prokurorinë. Kam qenë me automjetin tim dhe s’pata asnjë problem”, tha Breçani.
