Kreu i PD-së, Lulzim Basha është kritikuar nga analisti Mentor Nazarko në emisionin Opinion për një qëndrim jo të ashpër ndaj politikës së jashtme të Edi Ramës.
Nazarko tha se gjithmonë një parti opozitare është me qëndrime më të forta nacionaliste, sipas tij, këtë rol e ka marrë qeveria. Qoftë me qëndrimet ndaj Greqisë, qoftë me qëndrimet ndaj Serbisë, si dhe qoftë ndaj qëndrimeve që i përkasin Kosovës.
Nazarko: Dua të di se cili është qëndrimi juaj për këtë çështje?
E para, Rama u mundua të paraqesë vendimin e Këshillit të Europës si një çështje gjeostrategjike, duke i kujtuar asaj edhe për një pol tjetër, me shumë mundësi, kthimin e kursit nga Rusia. E dyta, çfarë mendimi keni për Greqinë?
Basha: Në këndvështrimin tim roli i politikës së jashtme të këtij vendi, është në radhë të parë të sigurojmë marrëdhënie të mira në veçantësi me fqinjët, në radhë të dytë, përveç marrëdhënieve të mira, të mbrojë dhe të çojë përpara interesat e vendit, përsa i përket interesit ekonomik, interesit tregtar dhe mirëqënies së qytetarëve të vet. Këto janë interesat kryesore që janë bërë dhe është bërë politika e jashtme.
Unë mendoj se ashtu siç ka bërë me aspektet e tjera të qeverisjes së jashtme, z.Rama është fokusuar nga njëra anë tek shfaqja dhe nga ana tjetër tek leverdia për veten e tij dhe jo tek leverdia për shqiptarët.
Shiko videon:
