Policia me sa duket u është rikthyer operacioneve kundër trafikimit të drogës. Sot njoftohet se janë arrestuar 4 vetë për shpërndarje droge në periferi të Tiranës, fshati Domje. Operacioni i është përshtatur motit duke e qujatur “snow man” (Njeriu i dëborës).
Në këtë operacion u arrestuan: Ylber Gega, 45 vjeç, banues në Fushë Krujë, Ylber Zllami, 36 vjeç, banues në Tiranë, Albert Ajdini, 27 vjeç, banues në Tiranë dhe Leonard Çela, 37 vjeç, banues në Tiranë.
“Janë konstatuar dy automjete, një “Ford” dhe një “Opel”, të cilat kanë ndaluar pranë njëra tjetrës me disa persona në brendësi të tyre, e më pas kanë kaluar në një fushë pranë shinave të trenit. Menjëherë është bërë nderhyrja nga ana e policisë dhe është ushtruar kontrolli në automjetet e mësipërm, ku janë gjetur 6 thasë të zinjë me lëndë me 58 kilogram e 600 gramë lëndë e dyshuar narkotike e llojtë Cannabis Sattiva”, tha policia.
Ata akuzohen për veprën penale të “Prodhimit dhe shitjes së lëndëve narkotike në bashkëpunim”, parashikuar nga Neni 283/2 i Kodit Penal. /Opinion.al
