Një tjetër operacion antidrogë i ndërmarrë nga policia e Tiranës ka arritur të vërë nën pranga katër persona duke sekuestruar në cilësinë e provës materiale 102 kg Cannabis Sattiva.
Pas operacionit të koduar “Befasia”, u arrestuan në flagrancë shtetasit: Arjan Mustafaj, 43 vjeç, banues në Mallakastër, Shpëtim Sinaj, 40 vjeç, banues në Mallakastër, Erjon Zenelaj, 33 vjeç, banues në Mallakastër dhe Niko Dula, 41 vjeç, banues në Tepelenë.
Këta shtetas në bashkëpunim me njeri tjetrin, kryenin aktivitetin e jashtëligjshëm të shitjes së lëndëve narkotike të dyshuar te llojit “Cannabis Sattiva”, kryesisht në periferi të Tiranës.
Në bazë të informacioneve është bërë e mundur goditja e këtij grupi dhe më saktësisht në aksin rrugorë Pezë – Ndroq.
Nga kontrolli në automjetet e këtyre personave, në bagazhin e automjetit tip Mitsubishi, janë gjetur dhe sekuestruar në cilësinë e provës materiale 7 thasë të zinj të fshehur poshtë disa thasëve të tjerë ngjyre të bardhë.
Në cilësinë e provës materiale janë sekuestruar:
– 102 kilogram lëndë e dyshuar narkotike e llojit cannabis sattiva.
– 2 automjete të markave të ndryshme.
– 8 aparate celulare të markave të ndryshme.
Materialet proceduriale i’u kaluan Prokurorisë pranë Gjykatës së shkallës së Parë Tiranë për veprën penale “Prodhim dhe shitje të lëndëve narkotike e kryer në bashkëpunim”, parashikuar nga Neni 283/2, i Kodit Penal.
http://www.dailymotion.com/video/x5jf52y_operacioni-befasia-kapet-droge-e-madhe-ne-tirane_news
