Është nxjerrë sot nga liqeni i Shkopetit makina e tretë.
Sipas Policisë së Shtetit, bëhet fjalë për një makinë e cila dyshohet se ka rënë në ujë tre ditë më parë.
Policia ka bërë me dije se automjeti nuk ka lidhje me grabitjen e ndodhur në aeroportin e Rinasit.
Më tej, policia ka bërë me dije se makina e tretë që u nxor nga Liqeni i Shkopetit i përket një shtetaseje me banim në Kamëz. K.H., kishte kallëzuar në polici më 12 shkurt të këtij viti për vjedhjen e automjetit të saj tip “Benz” me targa AA 587 CP.
Mësohet se makina kishte përfunduar në një thellësi 24 metra.
