Gazetarja Alida Tota që u pushua nga puna për shkak të një investigimi në landfillin e Sharrës, vendi ku humbi jetën 17-vjeçari nga Tropoja, pak ditë më parë nuk u dëgjua nga Komisioni i Medias; pasi në seancën dëgjimore munguan deputetët e mazhorancës.
Tota do të bënte me dije përpara deputetëve arsyet që çuan në pushimin e saj si drejtoreshë e televizionit “A1Neës”. Kryetari i Komisionit të Medias, Genc Pollo akuzoi kryeministrin Rama për bllokimin e seancës, duke theksuar se po kërkon të mbyllet çështja e vrasjes së të miturit Ardit Gjoklaj në landfillin e Sharrës.
Ndërkohë, nënkryetari Alfred Peza e cilësoi dëgjesën me gazetaren si një kauzë që kërkon ta amplifikojë opozita. Peza theksoi se mazhoranca nuk do të bëhet pjesë e kësaj dëgjese.
Gazetari Aulon Kalaja me anë të një video të fshehtë, ka publikuar çastet e asaj çfarë ka ndodhur jashtë syrit të opinionit publik. Pamjet tregojnë momentin e ikjes së deputetëve të mazhorancës, një e nga një, nga seanca dëgjimore në Komisionin e Medias me gazetaren Tota.
Pas largimit të deputetëve dhe debatit të krijuar në Komision, gazetarja Alida Tota e pushuar nga puna për shkak të investigimit të saj në landfillin e Sharrës, i ka kthyer mbrapsht nënkryetarit Peza manualin e gazetarisë që ai ia kishte dhuruar kur Tota ishte studentja e tij.
Shiko videon:
