Në brigjet e Los Cabos, Meksikë, është kapur një peshk “Alien” me pamje të rrezikshme dhe grabitqar.
Peshku është publikuar përmes facebook-ut nga “Pisces Sportfishing Fleet” të martën e kaluar dhe deri tani është shpërndarë mbi 500 herë.
Faqja që ka publikuar pamjet e peshkut, ka bërë me dije, se kjo krijesë e fryrë, me ngjyrë pink dhe me formën e peshkaqenit është kapur dhe pastaj lënë i lirë përsëri nga peshkatari Jaime Rendon.
Pas kontaktit me peshkatarin që e kapi dhe duke e studiuar vendin ku u kap peshku “Alien” grupi ndau opinionin se “mund të jetë një peshkaqen i fryrë me ujë, stomaku i tij është i mbushur me ujë ndoshta për të zmadhuar përmasat e tij që të bëjë të pamundur që të gëlltitet nga grabitçarë të tjerë”
Ata thanë gjithashtu se peshkaqeni ishte gjetur një milje larg bregut, në thellësinë 370 këmbë.
