Në veri të Italisë, në provincën Cesena, ndodhet fshati Gattolino, që pak a shumë përkthehet mace e vogël, ose kotele, dhe si për ironi të fatit, është pushtuar nga minj të bardhë. Ata dalin para makinave, futen nëpër shtëpi, e dyqane dhe janë të papërmbajtshëm.
Minjtë më parë qëndronin në një godinë ku më parë mbarështoheshin pëllumba dhe mbasi konsumuan ushqimin e mbetur aty, kanë dalë kudo nëpër fshat për të kërkuar ushqim, duke shkaktuar panik te vendasit, të cilët shprehen se nuk kanë parë kurrë diçka të tillë.
Autoritetet në bashkëpunim me policinë, inspektoriatin e shëndetit dhe zjarrfikësit po punojnë në zgjidhjen e problemit, e mbi të gjitha për të mësuar nëse minjtë mbartin ndonjë sëmundje ndërkohë që banorët duket se janë mbyllur nëpër shtëpi.
Për më tepër shihni videon e mëposhtme:
:
