Ka nisur në ditën e saj të pestë protesta në sheshin “Skënderbej”. Protestuesit mbajnë në duar pankarta dhe shoqërojnë qëndrimin e tyre me thirrjet “Rama ik”, ndërkohë që në zonë shihen të aktivizuar vetëm efektivë të policisë dhe jo forca të tjera të specializuara.
Sipas njoftimeve në rrjetet sociale protesta e sotme parashikohet të zhvillohet në sheshin “Skënderbej” ku raportohet se deri në këto momente ka jo vetëm prani të të rinjve, por edhe përfaqësues të shoqërisë civile, mes të cilëve edhe Genc Sejko, i njohur ndryshe si njeriu i memeve.
Protestuesit kërkojnë largimin e drejtorit Ardi Veliu dhe reformimin e policisë. Gjithashtu protestuesit kanë kërkuar edhe lirimin e personave të shoqëruar gjatë këtyre ditëveDeri në këto momente nuk ka persona të shoqëruar.
Vihet re ndryshimi i kësaj proteste me atë të ditëve të mëparshme, ku policia ka përdorur gazin lotsjellës dhe ujin, që në nisje të grumbullimeve. Nga ana tjetër deri në këto momente nuk vihet re as rrebelimi i protestuesve, që në ditët e mëparshme kanë shoqëruar protestën me thyerje të xhamave në institucionet publike/Opinion.al
