Një ngjarje e rëndë ka ndodhur ditën e sotme në autobusin e linjës Kombinat-Kinostudio në Tiranë, ku një vajzë e mitur rreth 12 vjeçe, ka rënë pre e presionit të një personi madhor.
Skandali është denoncuar nga një qytetar në redaksinë e Newsbomb.al, i cili sqaron se personi në fjalë ka kërcënuar vajzën të mos lëvizte nga vendi ku ishte ulur dhe se do shkonte me të sapo të zbriste nga autobusi.
Qytetari e konsideron këtë një rast pedofilie, ndërsa thekson se vajzë është vënë në një presion të madh psikologjik.Ka qenë faturino i autobusit dhe një udhëtar që kanë nxjerrë me forcë burrin nga autobusi.
Në video dëgjohet zëri i faturinos i cili e pyet agresorin se çfarë ka me vajzën, ndërsa i bën thirrje asaj të largohet prej tij.
Vajza ka shpërthyer në lot, ndërsa pasi ka zbritur nga autobusi është shoqëruar nga një qytetar drejt banesës së saj.Ky rast skandaloz kërkon ndërhyrjen e menjëhershme të institucioneve të zbatimit të ligjit për të vënë përpara drejtësisë të tillë persona që kërcënojnë shëndetin dhe sigurinë e fëmijëve.
