Disa vende kanë rregulla të forta ndaj sjelljes në publik, sidomos shtetet që janë me shumicë popullsie myslimane dhe konservatore. Fjala është për Egjiptin, ku një gjykatë e vendit ka dënuar me 3 vite burgim një vajzë 25-vjeçare.
Basma Ahmed u dënua për akuzën e një akti të turpshëm në publik dhe nxitje të shthurrjes. 25-vjeçarja u arrestua në muajin Tetor pasi autoritetet egjiptiane thanë se ajo kishte ngacmuar seksualisht një majmun në një dyqan kafshësh. Ky episod është filmuar nga kamerat dhe në pamjet 90 sekondëshe duket Basma duke qeshur dhe duke prekur organet gjenitale të majmunit.
Sa i përket këtij incidenti, ajo tha në gjykatë se nuk kishte për qëllim të bënte këtë akt të pahijshëm, por pretendon se vetëm e kishte gudulisur majmunin. Gjyqtarët ishin tepër të rreptë dhe e konsideruan si ngacmim seksual dhe akt të pahijshëm në publik sjelljen e saj. Zyrtarët egjiptianë thanë se 25-vjeçarja ka shkelur ligjin edhe herë të tjera. Ajo ka qenë e akuzuar në dy raste të mëparshme për sjellje imorale në publik. /tvklan.al
