Policia ka sqaruar zyrtarisht detajet në lidhje me të shtënat me armë zjarri që kanë ndodhur sot te “Rruga e Elbasanit”.
Sipas bluve, kanë qenë tre persona që pasi kanë dalë nga një restorant, njëri prej tyre, nën ndikimin e alkoolit ka qëlluar me armë zjarri në ajër, pa ndonjë motiv.
Burime nga Policia thonë se personi që ka qëlluar me armë është arrestuar dhe marrë në pyetje në Polici.
Këto janë momentet e arrestimit të tij, nga nje efektive e Policisë, e ndihmuar edhe nga kolegu i saj, rregjistruar nga kamera e trupit që gjendet në uniformat e policisë.
“Qëllova me armë në ajër nga automjeti pa ndonjë arsye”, mësohet të ketë thënë i arrestuari Ermal Kadilli, 36 vjeç.
Bashkë me të u arrestuan edhe Dritan Masha, 36 vjeç dhe Dritan Ago, 35 vjeç, banues Tiranë.
