Atleti estonez Jaan Roose shkroi historinë duke kaluar nga Azia në Evropë vetëm duke ecur mbi një litar të shtrirë mbi urën ikonike të Martirëve të Stambollit.
Roose e realizoi sfidën të dielën në mbrëmje, duke ecur 1074 metra në litarin e varur 165 metra mbi ngushticën e Bosforit.
Roose nisi ecjen e tij në anën aziatike të Bosforit në orën 18:00, duke përfunduar udhëtimin transkontinental në vetëm 47 minuta. “Bosfori ka mijëra vjet rëndësi historike dhe kulturore, si dhe bukuri të jashtëzakonshme natyrore. Kam bërë histori, ndaj jam shumë i lumtur”, tha Roose pas arritjes së tij historike.
Kjo është hera e parë që një person ka kaluar në këmbë distancën nga Azia në Evropë në një lartësi kaq të madhe. Roose, i cili ra në dashuri me slacklining pasi filloi karrierën e tij atletike në parkour, shpjegoi sfidat teknike të përfshira në këtë sport ekstrem.
“Litari është rreth 1074 metra i gjatë, por varet në mes. Litari peshon disa qindra kilogramë dhe tensioni i tij ndryshon me erën. Duhet të sigurohet që litari të jetë shtrënguar siç duhet përpara se të filloj të eci”, sqaroi estonezi.
Pavarësisht rreziqeve, Roose pranoi se frika është një pjesë thelbësore e sfidave të tij. “Kam frikë nga lartësitë, por kjo frikë është e nevojshme. Më ndihmon të përmirësoj teknikën time dhe të qëndroj i sigurt. Më duhet të kem frikë se mos bie në mënyrë që të siguroj jetën time. Në një farë mënyre, gjithçka është formuar rreth asaj frike. Menaxhimi i kësaj frike, si mendërisht ashtu edhe teknikisht, është thelbësor për ecjen në këtë nivel.”
Estonyalı atlet Jaan Roose, İstanbul’da Asya kıtasından Avrupa kıtasına ip üstünde yürüyerek geçti.
📌 18.00'de başlayan yürüyüş 19.00'da sonlandı. pic.twitter.com/7QzTlAGBrf
— Onedio (@onediocom) September 15, 2024
