Të paktën 103 persona janë plagosur në SHBA, pasi një tren i linjës New York- Brooklyn ka dalë nga shinat dhe është përplasur me një mur. Një video e postuar në Twitter shfaq momentin kur trenit i janë thyer dyert e hekurta pas përplasjes në mur. Në vendngjarje kanë mbërritur policia dhe forcat zjarrfikëse.
Sipas mediave lokale, njëri nga pasagjerët ka rrëfyer se përpara se treni të dilte nga binarët kishte dëgjuar një përplasje të fuqishme. Ndërkohë disa pasagjerë të tjerë kanë rrëfyer se treni ishte me shpejtuesi tej normave të lejuara.
Disa nga personat e plagosur janë transportuar në spital, ndërsa autoritetet kanë nisur hetimet për zbardhjen e ngjarjes.
