Nëna e autorit të masakrës në Shkodër, Rita Parubi ka qenë sot në gjykatë për të ndjekur seancën ndaj djalit të saj, Miklovan Parubi që vrau dy persona dhe plagosi 4 të tjerë në Dajç, mbrëmjen e së dielës.
Ajo shpërthen në lot në korridoret e gjykatës dhe dëgjohet teksa thotë: “Hall i madh na ka rënë. Nënat e viktimave dhe të plagosurve i kam patur shoqe. Me vjen turp të shkoj atje. Kemi qendruar te mbyllur këto dite. Miklovanin e kanë nxitur të tjeret sepse e kane njohur si djale te mire. Mua dhe Vanit na i kane puthur duart nënat e viktimave dhe të plagosurve më parë…. Nuk e di si ndodhi keshtu. Do zoti nuk i japin burg per jete. Jemi te traumatizuar nga ngjarja e rende”. Video më poshtë nga gazeta “Panorama”
Gjykata e Shkodrës e la me masën e sigurisë arrest me burg Miklovan Parubin. Togat e zeza gjithashtu kanë lënë në burg edhe bashkëpunëtorin Marcel Shpijatin. Ky i fundit ka treguar se ndihmoi 33-vjeçarin nga frika se mos e vriste.
Plot 38 plumba ka zbrazur Mikolvan Parubi ndaj personave, që ndodheshin në lokalin ku ndodhi masakra, me 2 të vrarë e 4 të plagosur në Dajç.
Në vendin e ngjarjes policia mblodhi plot 38 gëzhoja automatiku, të dala nga arma të cilën policia e gjeti magazinën ku arrestoi 33-vjeçarin. Nga breshëria mbetën të vdekur Arjet Saiti 42-vjeç, pronar i lokalit dhe Gacalin Kopshti 30-vjeç.
