Chloe Szep, 19 vjeçe, është një blogere nga Melburni. Në rrugëtimin e saj online, është treguar gjithnjë e hapur për problemet me lëkurën. Në një prej videove të fundit, shfaqet para dhe pas grimit, duke fshehur me make-up të gjithë njollat dhe puçrrat në lëkurë.
“Kur ke akne, sa më shumë mundohesh t’i fshehësh, aq më shumë duan të dalin në sipërfaqe,” thotë ajo, para se të shtojë se duhen shmangur produktet e trasha.
Chloe nis duke pastruar lëkurën me larës dhe duke aplikuar serum. Sigurisht, ndoqi këshillën e saj dhe aplikoi një fondatinë të hollë, me ndihmën e një furçe të sheshtë.
“Është e vështirë të gjesh një bronzer ose një blush pa shkëlqim dhe pikërisht këto duhet të shmangësh kur ke fytyrë problematike. Shkëlqimi i bën puçrrat të bien në sy,” thotë Chloe.
Video u shpërnda masivisht në rrjete sociale, sepse ndryshimi është me të vërtetë i madh.
