Atentati ndaj 35-vjeçarit Ferdinand Polia duket se ka qenë i mirë organizuar. Autori ka qëlluar teksa lëvizte me një motoçikletë dhe mbante skafandër. Pasi ka kryer vrasjen ai dyshohet se e ka braktisur mjetin tek Ura e Mesit.
35-vjeçari, i njohur ndryshe dhe si “Nardi i Bujtinave” pasi ka në pronësi disa bujtina në Theth ndodhej në makinën e tij fouristradë kur është qëlluar.
Ai sapo e kishte dalë nga servisi, pasi para disa ditësh e kishte çuar makinën të lyhej dhe sot e kishte marrë. Por pak pasi doli nga servisi atij iu bë atentati me armë.
Në makinë bashkë me Polinë në momentin që e kanë qëlluar ka qenë edhe një nga punonjësit e servisit. Policia e Shkodrës ka nisur sakaq hetimet për identifikimin e autorit të ngjarjes dhe kapjen e tij./Opinion.al
LEXO EDHE— Foto/ U vra brenda në makinë, kush është “Nardi i bujtinave”
