Situatë e vështirë është krijuar në rrugët dhe lagjet e Tiranës pas reshjeve të shumta të shiut.
Kanë mjaftuar disa orë shi i furishëm që në kryeqytet të rikthehet problemi i përhershëm ai i përmbytjes së rrugëve duke paralizuar qarkullimin pothuajse në të gjithë qytetin.
Përveç zonave të njohura për përmbytjet e tyre si rruga “Don Bosko”, listës së shesheve që përmbyten i është shtuar edhe sheshi “Skenderbej”, ku kanalizimet nuk kanë funksionuar.
Mirëpo, ndryshe nga herët e tjera, situata është përkeqësuar edhe në zona të tjera të kryeqytetit.
Në videon e mëposhte, shihet mjaft qartë zona e Selitës e përmbytur, duke e bërë pothuajse të pakalueshme për kalimtarët, por edhe për automjetet vende-vende.
