Ky është momenti kur një person i vë flakën makinës së Klodian Cacani në Korçë.
Sikurse shfaqet në pamje autori i pa maskuar dhe me një shishe benzinë në dorë shkon te makina e cila ndodhet e parkuar para shtëpisë së Cacanit, i hedh lëndën djegëse në pjesën e përparme të automjetit dhe i vë flakën. Më pas autori largohet nga vendi i ngjarjes.
Ndërkaq, raportohet se autori dyshohet se ka marrë lëndime gjatë vendosjes së zjarrit.
“Më datë 06.04.2023, rreth orës 01:10, pranë vendit të quajtur “Ura e fajancës”, ka rënë zjarr në automjetin tip “Benz” në pronësi të shtetasit K. C., banues në Korçë, i cili ishte i parkuar”, njoftoi Policia.
