Fëmijët e mitur kanë parë tmerr me sy sot kur babai i tyre në shenjë proteste ishte ngjitur në kullën e oxhakut dhe tentoi të vetëhidhej. Ai po protestonte pasi nuk kishte marrë pagat prej 3 muajsh. Agim Myrdini pranoi t’i jepte fund qendrimit të tij në majë të oxhakut të rafinerisë së Fierit, pasi përfaqësuesi i firmës Avni Braçe premtoi pagat e prapambetura. Deri në atë moment Myrdini kërcënoi se do t’i vinte flakën vetes dhe do të hidhej nëse nuk gjendej zgjidhja.
Megjithatë naftëtari Agim Myrdini i rezistoi dhe zbriti vetëm kur nga poshtë iu premtuan pagat për të gjithë punëtorët. Punëtor i rafinerisë prej 30 vjetësh, baba i katër fëmijëve Myrdini ndodhet në gjendje të rëndë ekonomike.
Ai bashkë me shumë naftëtarë të tjerë prej kohësh protestojnë. Incidenti i sotëm i sotëm në Rafinerinë e ARMO-s është i dyti brenda pak muajsh, nga momenti i rikthimit të saj në punë përmes një marrëveshjeje me “Ionian Refining” dhe “Trading Company”.
Në videon më poshtë shfaqet momenti kur dy fëmijët e mitur, djali dhe vajza i luten me lot në sy, të atit të zbresë. Dëgjohen thirrjet e tyre prekëse…
