Ish-kryeministri italian Silvio Berlusconi ndërroi jetë të hënën në spitalin San Raffaele të Milanos. Lajmi për vdekjen e tij ka hidhëruar opinionin publik italian, ndërsa më e vështirë duket se ka qenë dhënia e lajmit për prezantuesit e Mediaset, Federica Panicucci dhe Francesco Vecchi.
Moderatorja Federica Panicucci shpërtheu në lot teksa dha lajmin ndërsa në pamundësi për të vazhduar fjalinë kërkoi ndihmën e kolegut të saj.
“Francesco, të lutem, vazhdo ti”, dëgjohet teksa thotë Federica Panicucci.
Lideri i Forza Italia dhe themeluesi i Mediaset u shua në moshën 86-vjeçare. Silvio Berlusconi u kthye në San Raffaele të premten e kaluar, pas një shtrimi të gjatë prej 45 ditësh, për shkak të pneumonisë dhe leucemisë./Opinion.al
È morto Silvio Berlusconi a dare l’annuncio, due commossi Francesco Vecchi e Federica Panicucci a @mattino5. Un grande abbraccio a tutta la famiglia e a Mediaset.
Ciao Silvio!#SilvioBerlusconi pic.twitter.com/2pXLEedDo8— Marco Ferraglioni (@MFerraglioni) June 12, 2023
