Ministrja e Shëndetësisë, Ogerta Manastirliu i ka dhënë garanci qytetarëve se vendimi i Urdhërit të Stomatologëve për të rritur çmimet nuk do të zbatohet. Ajo tha se Urdhëri ka marrë një vendim në telejkalim të kompetencave ligjore. Sipas saj, ministria i është drejtuar gjykatës, po kështu me këtë çështje po merret dhe Autoriteti i Konkurencës.
Deklarata u bë sot nga Qendra Shëndetësore në zonën e Bllokut, nga ku ministrja përcolli dhe një tjetër apel. Manastirliu u kërkoi prindërve që kanë fëmjët sëmurë të mos vrajnë në QSUT, pasi në dispozcion janë 4 qendra shëndetësore të cilat kanë kaluar me shërbim 24 orësh.
Më konkretisht qytetarët që kanë nevojë për shërbim pediatrik mund të drejtohen në Qendrën Shëndetësore Nr.6 në Kombinat, Qëndrën Shëndetësore Nr.7 në Laprake, Qëndrën Shëndetësore Nr.8 në Bllok dhe Qendrën Shëndetësore Nr 9 tek Oxhaku. Non Stop 24 orë!
Vendimi është marrë pas fluksit të madh në Urgjencën e QSUT-së si pasojë e gripit, virozave, fruthit, etj. sëmundje që prekin të vegjëlit në dimër.
/Ri-De
