Milan nuk ka shkuar përtej barazimit 0-0 ndaj Carpi, në ndeshjen e dytë të Cristian Brocchi si trajner, që pas emërimit të tij në vend të Sinisa Mihajlovic. Një hap prapa për kuqezinjtë, pas fitores ndaj Sampdoria, pavarësisht se luajtën më mirë se Carpi. Alex humbi rastin më të mirë për Milan, tre minuta para fundit, por vendasit patën nevojë edhe për një pritje të jashtëzakonshme të Donnarumma për të shmangur humbjen, në të vetme goditje në kuadrat të miqve, në minutën e fundit.
Në pjesën e parë, Carpi mendoi vetëm për t’u mbrojtur dhe këtë e tregon një statistikë shumë interesante, pasi miqtë e mbajtën topin vetëm 4 minuta e 5 sekonda në total, ndaj 28 minutave të kuqezinjve, flasim gjithmonë për lojë aktive në fraksionin e parë, i cili u mbyll me kartonin e verdhë të marrë nga Mario Balotelli, për faull ndaj portierit kundërshtar. Bacca, Boateng dhe Alex shpërdoruan mundësitë më të mira për kuqezinjtë në pjesën e parë.
Edhe pjesa e dytë nuk ishte shumë ndryshe nga e para. Milan që sulmoi gjatë gjithë kohës, i spostuar në gjysmëfushën e Carpi që kishte si synim vetëm që të merrte një pikë dhe faktikisht nuk goditi asnjëherë portën e mbrojtur nga Donnarumma. Jose Mauri provoi në dy raste për vendasit, por nuk pati fat, ndërsa kur kishin mbetur edhe 20 minuta lojë, Cristian Brocchi zëvendësoi Carlos Bacca dhe ky i doli nga fusha duke protestuar vendimin e trajnerit. Në vend të tij u aktivizua Menez, por gjërat nuk ndryshuan.
[fbvideo link=”https://www.facebook.com/officialfootballgoals/videos/810333992403894/” width=”500″ height=”400″ onlyvideo=”1″]
