Kur kanë mbetur gati dhe 6 muaj nga zgjedhjet e ardhshme parlamentare, që do të mbahen më 19 qershor, dy aleatët kryesore të koalicionit qeverisës ende nuk kanë një marrëveshje.
Partia Socialiste dhe Lëvizja Socialiste për Integrim ndonëse në zgjedhjet e kaluara arritën të gjenin gjuhën e përbashkët duke qenë njëra forcë në pushtet dhe tjetra në opozitë, këtë herë duket se gjërat janë më të komplikuara.
Kryeministri, Edi Rama ka përsëritur disa herë se PS është në pritje të vendimit të LSI-së për t’u ulur në tryezën e diskutimit për arritjen e një marrëveshjeje. Nga ana tjetër, Ilir Meta deri tani është justifikuar me zgjedhjen e organeve të drejtuese të partisë.
Por, tani që procesi zgjedhjes së kryetarit të ri të LSI-së dhe forumeve të saj kanë përfunduar, Meta sërish nuk ka një përgjigje se kur LSI do të jetë e gatshme për të diskutuar mbi koalicionin e ardhshëm me PS-në.
I pyetur sot nga gazetarët, Meta iu shmang plotësisht pyetjes nëse detyra e Kryesisë së re të LSI-së në mbledhjen e parë apo në vijim do të jetë çështja e koalicionit për zgjedhjet e ardhshme.
http://www.dailymotion.com/video/x551epn_meta-per-koalicionin-me-ramen_news#tab_embed
